Katulad nang napag-usapan namin ng aking kaibigan ay sinamahan niya ako sa sementeryo upang hanapin ang puntod ng aking ama kung talaga ngang patay na ito.
"Pareng Dan, ito nga pala si Pareng Adrian. 'Yong sinasabi ko sa 'yo na gustong hanapin ang puntod ng tatay niya," pagpapakilala sa akin ni Alfred sa kanyang kaibigan na katiwala rito sa sementeryo.
Tumango si Dan at nakipagkamay sa akin.
"Kumusta," sambit ni Dan.
"Mabuti naman. Sana matulungan mo akong mahanap ang puntod ng tatay ko," tugon ko kay Dan.
"Titingnan ko ang magagawa ko," muling sabi ni Dan.
"Pare, ano bang buong pangalan ng tatay mo?" tanong naman sa akin ng aking kaibigan habang naglalakad kami patungo sa tambakan ng mga buto ng mga patay na hanggang ngayon daw ay hindi pa naipapalagay ng kamag-anak simula nang huk
