Bagaman hindi siya lumingon ay hindi siya maaaring magkamali. Kilala niya ang tinig na iyon. Pero imposible. Paanong mapupunta si Arnie dito? Dahan-dahan siyang humarap para kumpirmahin ang kutob.
"A-Arn? A-ano'ng ginagawa mo rito?" maang na tanong niya pagkakita sa binata. Nakatayo ito halos dalawang dipa ang layo sa kanya at nakapamulsa ang dalawang kamay sa suot na pants. Maya-maya ay tahimik itong umupo sa dulo ng kinauupuan niya.
"Sinundan kita. Hindi kasi ako mapakali knowing na galit ka sa akin." Nakatanaw ito sa malayo nang sabihin iyon.
"Arn, hindi nga ako galit. Bakit naman ako magagalit 'di ba?" sambit niya. Tinapunan siya nito ng tingin at saglit na tinitigan bago muling magsalita ang binata.
"So bakit hindi mo ako kinakausap? Tinetext kita, tinatawagan pero hindi mo ak
