Napansin ni Arnie na maging sa loob ng bahay ay nanatiling tahimik si Tiffany. Palinga-linga lamang ito at nakikinig sa mga biruan nila nina Joy at Arthur kaya hindi siya nakatiis na hindi ito tanungin.
"Tif, what's wrong? May problema ba? Hindi mo ba gusto ang bahay?" nag-a-alalang tanong niya nang makalapit.
"Ano ka ba, Arn! Gusto siyempre, ang ganda nga ng resthouse n'yo, e. Relaxing ang ambience saka maganda ang view." Nakangiti ito nang lingunin siya ngunit bakas sa mga mata nito ang totoong damdamin. Malungkot ito at sigurado siyang dahil iyon sa pagka-alala nito kay Zach.
"Sigurado ka? You know you can talk to me anytime, 'di ba? All you have to do is open up and I'm here, Tif. Handa akong pakinggan ka," seryoso niyang sabi. Gusto niyang maramdaman nito na totoo ang sinasabi niy
