TIFFANY
Idinaan niya sa biro ang lahat para itago ang pagkailang na lumulukob sa kanya lalo't sila lamang ni Arnie ang nasa hapag. Itinuon niya sa pagkain ang pansin at hindi na muling nag-angat ng tingin.
"Iyong sagot ko sa huling tanong mo, Tif, na 'dahil?' is simple lang. Dahil mahal kita." Matiim itong nakatitig sa kanya na tila ba tinitingnang mabuti ang kanyang reaskyon kaya nag-umpisa siyang mailang.
"A-ah, after natin kumain, pasyal ulit tayo? Uuwi na tayo mamaya, e," dala ng kawalan ng sasabihin ay sambit niya. Ewan ba niya, dati naman ay hindi siya naiilang sa binata at madalas pa nga ay nagbibiruan sila. Ngayon ay naiilang na siya rito lalo na kapag naninitig na ito.
"Sure. Saan mo gustong pumunta?"
"Kahit saan lang, Arn. Wala naman akong alam na place dito, e."
"Sige,
