"D-Dennise?" awtomatikong napatingin siya sa babae nang walang pakundangan itong pumasok sa opisina niya at nilagpasan lamang ang pagpigil sana ni Porxia. Ilang beses na rin kasi niya itong sinabihan na kapag pumunta muli rito si Dennise ay huwag papasukin.
"Hi, love! Where have you been ba? Sabi ni Porxia may inaasikaso ka raw? Ano ba 'yun? Is that really important??" sunud-sunod na tanong nito. Napailing siya sa isip. Kahit kailan talaga ay hindi na nagbago ang babae.
"Dennise, busy ako, okay?" pinakapigil niya ang sarili na huwag mahalata nito ang iritasyon niya. Afterall ay babae pa rin ito.
"Busy ka ba talaga o baka naman babae na 'yan??" matalim ang matang ipinukol nito sa kanya. Umupo pa ito sa ibabaw ng table niya at kunwa'y inayos pati ang kuwelyo ng longsleeve niya.
"Bakit
