Liam's point of view
Inimbitahan ko sina Kuya Kit at Ninong. Agad silang pumayag ng marinig nila na pupunta ang mga magkakapatid. Ang sabi noon ni Kuya Kit ay iiwasan niya si Mira pero nang marinig niya kanina na maging bisita din ang gusto niyang iwasan ay napakabilis na nagbago ang kanyang isip.
Tapos na kaming nag-luto ni Mommy nang marinig namin ang malakas na ingay sa labas kaya mabilis na lumabas si Daddy.
Ako naman ay naghuhugas na ng pinaglutuan para hindi masyadong maraming hugasin pagkatapos ng pananghalian.
"Mabuti at pagkaing pinoy ang gusto ng tatlo anak, kundi patay tayo." Masayang sabi ni Mommy.
"Oo nga po Mommy, kahit ano naman po si Tine kakainin niya." Sagot at narinig namin ang boses ni Daddy na dumating na ang aming bisita.
Inihinto ko na muna ang aking hinugugasa
