Katulad nang sinabi ni Nathan ay pumunta nga kami dito sa tambayan nila at hanggang ngayon ay hindi ko pinapansin si Carlo, dahil naiinis pa rin ako sa kanya.
“Mga p’re, dapat pala nagbili na tayo ng meryenda. Mahaba ang oras natin ngayon dito,” sabi ni Nathan
Tumango si Alex. “Tama ka, p’re, at masarap din mag-inom ngayon,” suhestiyon ni Alex.
Nagtinginan ang magkakaibigan at sabay-sabay na tumango. Maliban kay Carlo na hanggang ngayon ay nakatitig lang sa akin. Nang magtama ang aming mga mata’y umiwas na ako ng tingin sa kanya.
“Sige, Pareng Alex, inom tayo ngayon,” segunda ni Charles.
Tumatyo si Rigor. “Mga p’re, ako na ang bibili ng inumin natin at meryenda,” ani ni Rigor at lumapit siya kay Laya. “Mahal, gusto mong sumama sa akin?” tanong ni Rigor kay Laya.
Tumango si Laya bil
