CHAPTER 18
C—18
“ Ma'am, ako na pong bahalang mag-ayos ng mga order. Pahinga na lang ho muna kayo. Mukha po kasi kayong walang tulog, Ma'am. Namumutla kayo. ”
Napaangat ng mukha si Aleli nang marinig ang boses ng kaniyang assistant na si Macy.
Pilit siyang ngumiti rito at umiling. “ Ayos lang ako, Macy. Napuyat lang ako nang kaunti at nilagnat si Jex kagabi, ” tugon niya.
Gusto niyang matapos na agad ang mga order na bulaklak at i-deliver na agad mamaya.
Balak niyang magsara ng shop nang mas maaga ngayon para mabantayan ang anak. Si Candice muna ang kasama ni Jex ngayon habang nasa trabaho siya. Mamayang gabi pa naman pupunta sa club si Candice.
“ Naku, kawawa naman si Jex. Kaya pala hindi siya pumunta ngayon dito. Madaanan nga mamaya, Ma'am at makumusta. ”
Bakas ang lungkot
