Marimar Oquendo's Point Of View
"Ma-ri-mar—"
Agad na akong napatakip sa tainga ko nang marinig ang boses ni Yakov. Ngayon ay ang ika-isang linggo niya rito at mamaya lang ay ika-anim na dahil mag-aalas onse na rin.
"Tigilan mo ako, Yakov. Susundutin ko yang mata mo!" anas ko habang naglalakad sa hallway ng second floor. Kagagaling ko lang sa baba para kumuha ng gatas ni Levi, pati na rin ng bagong shampoo dahil ubos na ang nasa kwarto ko.
Pero kahit nakatakip na ang tainga ko, hindi talaga makakawala sa halakhak ng isang demonyo.
Rinig ko ang tawa ni Yakov habang papalapit siya sa akin. "Ma-ri-mar~" Kanta niya pa habang papalapit siya sa akin.
"Ako si Marimar, lumaki sa tabing dagat~ simple man o mahirap, pero may mga pangarap~"
Kumunot na lamang ang noo ko dahil sa pamilyar sa
