Episode 31
Kira Tia's POV.
Bumalik nalang ako ngayon sa opisina namin ni Trevor dito sa executive floor. Alam ko naman na matatagalan pa siya kasi nandoon ang fiancée niya na si Sofia at sigurado akong kakausapin pa siya ngayon ni Mr. Black.
Nang makapasok ako sa loob ng opisina ay muli akong napaiyak nang maalala ko nalang bigla ang mga masasayang oras namin ni Trevor dito sa loob ng opisina niya. Kahit bago palang ako dito ay masayang masaya ako na nakasama ko ulit si Trevor. Hindi ko akalain na babaliin ko ang sinabi ko noon na hinding-hindi na ako babalik kay Trevor at hindi ko na siya mamahalin ulit. Pero paanong hindi ko siya mamahalin ulit na hanggang ngayon siya pa rin naman ang mahal ko? I never unloved him because I can’t.
Ang lakas pala talaga nang atake ng first love, ano?
