KABANATA III
MASAYA ang lahat ng tsimosa ngayong araw dahil nga mga pangyayaring ‘to. Meron pang sinabi sa akin si Horsy na naulinigan niya raw na pinagtatawanan kami dahil nga naman parang masaya pa raw kami na inilibing na si nanay, dahil nga doon sa parang party event na ipinahanda ni ate. Nakapaglabas naman ng gamit si Yvar—mangilan-ngilan lang talaga.
“Pasensya na pre, hindi ko nakuha ‘yong gamit mo. Hindi ko kasi alam kung anong unang dadamputin ko kanina. Pagkadating ko sa bahay, malakas na ‘yong apoy talaga.” Paliwanag ni Yvar habang nakaupo ako rito sa isang sulok, nakatulala sa bahay naming natupok na ng apoy. Wala namang nadamay na ibang bahay dahil nga wala kaming kadikit talaga, pero kung hindi kaagad naapula, pwedeng kumalat kasi medyo malakas ang hangin ngayon. Nagpunta na
