“Um, Peter. Puwede bang mag-usap muna tayo,” pakiusap naman ni Alma sa bata.
“Sige po, tita,” sang-ayon naman na saad ng inosenteng bata.
“Nagdadalawang isip kasi kami ng lola Kora mo kung tutuloy pa ba tayo o hindi,” saad naman ni Alma sa bata na may agam-agam.
“Bakit naman po kayo nagdadalawang isip? Eh, si Tita Luna ko naman po ang pupuntahan natin,” tanong pa ng bata.
“Natatandaan mo ba ‘yong araw bago umalis ang tita Luna mo. Hindi ba’t sabi niya kasi noon anak niya muna si Angel at siya ang ina. Alam mo naman ang tita mo. Maraming ginagawang kalokohan na hindi natin alam. Pero ‘yon ay para naman sa atin at ikakabuti. Kaya lang baka mamaya madulas tayo at ikapahamak pa niya.” Nag-aalalang saad ni Alma.
“Kung sinabi po ni Tita Luna noon na anak niya si Angel. Hindi po kaya nahul
