His Past III
ALONZO
“Ama! Bakit po hindi kayo nagpasabing pupunta kayo?” tila natatarantang salubong sa amin ng isang lalaki sa hinintuan naming tila abandonadong gusali.
Napatingin ako sa mga kalalakihang bumaba sa kasunod naming sasakyan.
“Bakit ko pa kailangang magpasabi? Hindi ba ako pwedeng pumunta ng biglaan, bakit may kinakatakot ba kayong makita ko sa loob?”
“P-po? Wala, Ama!”
“Siguraduhin mo lang Gener, alam mo ang tinutukoy kong ayokong makita sa loob. Kung ayaw mong ibaon kita ngayon mismo, ‘wag na ‘wag n’yong susubukan,” seryosong-seryoso na saad niya sa lalaking payat at tila mas matanda lang ng ilang taon sa akin.
“Opo, Ama! Pangako!”
Naglaho ang seryoso niyang tingin nang bumaling sa akin. “Halika’t pumasok na tayo, Alonzo, para maipakita ko na sa ‘yo ang trabaho na
