‘Exercise’
SPG
ALONZO
Masaya kong itinaas ang pansit na mainit-init pa at ang mga paborito naming inihaw ni Stella galing kina Tiya Cora at Tiyo Ferdi. Mas lumawak ang ngiti ko dahil sa kabilang kamay ko naman ay ang plastic na naglalaman ng gatas at diaper ng mga anak namin na sila Jayden at Jade.
Noong nakaraan ay umiiyak si Stella dahil nahihirapan na siyang magpadede sa kambal. Hindi na raw sapat ang gatas mula sa dibdib niya. Mabuti na lang at nakadiskarte ako ngayong araw at nagkaroon ako ng pera para mabili ang mga ‘to.
Tiyak kong ngingiti na siya ngayon. Mula nang mag-isang buwan ang kambal namin ay naging malulungkutin at bugnutin si Stella. Sabi naman sa akin ni Lexie ay mukhang may postpartum si Stella. Kaya kailangan ko na talagang makahanap ng maayos na trabaho para ma
