FEELING ni Zoe ay himatayin siya sa sobrang pandidiri nang maramdaman niya ang putik na kaniyang pinagbagsakan. Ramdam niyang basang-basa ang kaniyang puwetan na siyang naunang bumagsak. Natalsikan din ang kaniyang pang-itaas na damit. Ngunit ang mas higit na ipinandidiri ng dalaga ay ang putik na tumalsik sa mukha niya. Muntik na siyang maduwal nang umabot iyon sa gilid ng bibig niya.
"Zoe? Anong ginagawa mo rito? At ano ang nangyari sa'yo?"
Hiyang-hiya at dali-daling tumayo si Zoe nang makita siya ni Ethan sa ganoong ayos. "Nakita mo na ngang bumagsak sa putikan, 'di ba? Nagtatanong ka pa?" Napangiwi siya nang makitang madumi rin pala ang kamay niya kaya hindi niya mapunasan ang mukha. "Yuck! Ewww... My gosh, ano ba itong napuntahan ko?"
"Ano ba kasi ang ginagawa mo rito nang ganito
