MASARAP ang gising ni Zoe isang umaga. Kahit papaano ay sanay na siyang matulog sa bahay ni Ethan. Napapahimbing na rin siya dahil hindi na siya naiilang. Nagdesisyon kasi ito na ipahiram muna sa kaniya ang kuwarto nito habang naroon pa siya. Samantalang sa sala naman ito natutulog.
Natigilan si Zoe nang sa paglabas niya ng kuwarto ay naabutan niya si Ethan na nagma-mop ng sahig. Gusto sana niyang kumaripas ng takbo pabalik ng kuwarto dahil hindi pa siya nagmumumog o kahit nagsusuklay man lang. Ang buong akala niya kasi ay nasa talyer na ito katulad ng nakagawian niya.
Pero hindi napigilan ng dalaga na panoorin si Ethan. Naaaliw siya sa kasipagan at kalinisan nito sa bahay. Ngunit ang higit na rason kung bakit niya ito pinapanood ay dahil sa nakakaakit nitong katawan.
Nakayapak lang ang
