"I hate you na! Kanina mo pa ako tinatawanan." Parang bata na nagmaktol si Zoe dahil sa walang tigil na pagtawa ni Ethan. Kanina pa lang sa loob ng palengke ay tinatawanan na siya nito hanggang sa makalabas sila.
"Ang kulit mo kasi, eh. Kaya pala naubos agad ang one thousand kahit mga sangkap pa lang ang nabili mo. Iyon pala ay pinamigay mo na ang sukli mo." Makikita ang pagkaaliw sa mukha nito.
"Naaawa kasi ako sa matandang tindera. Kaya sabi ko, keep the change na lang." Sumimangot ang dalaga. "Ikaw ang bad. Kasi binawi mo pa."
"Hindi masama ang mamigay. Lalo na sa katulad mong sobra-sobra ang pera. Pero nandito tayo para matuto kang mag-budget. Paano kung iyon na lang talaga ang last money mo? Eh, 'di umuwi kang bawang, sibuyas, at kamatis lang ang nabili mo?"
Nagkibit-balikat lan
