NANG makaalis si Ethan ay sumunod na rin ang mga kapatid ni Zoe para pumasok sa eskuwela. Kahit hindi man nagpaalam sa kaniya ang mga ito, masaya pa rin ang dalaga dahil maayos namang nagpaalam sa Mommy nila.
Nang mapag-isa ay si Zoe na ang naglinis at nagligpit ng kuwarto ng mga ito. Gusto sana niyang ligpitin din ang kuwarto ni Ethan. Pero nahihiya naman siyang mangialam. At saka naisip niyang baka katulad pa rin ito nang dati na masinop. Kahit sobrang busy na nito sa bagong career.
Si Zoe na rin ang nagluto ng tanghalian nilang mag-ina. Inayos din niya lahat ng bills o mga bayarin sa bahay na si Ethan ang nagbabayad. Siya na ang sasagot niyon sa susunod na buwan kaya kailangan niyang paghandaan.
Nagulat pa siya nang malamang pati pala tuition fee ng mga kapatid niya sa exlusive sch
