RHIAN
"Kelangan ba talaga nating gawin `to? Para kasing hindi tama..."
"Kahit kelan hindi naman talaga naging tama ang pagpatay. Pero ano ba ang mas mahalaga? Ang buhay ng isa o ang buhay ng lahat?"
Napatigil ako sa pag-aayos ng sarili at napahawak sa ulo nang biglang may mga estrangherong boses na naman akong narinig. Hindi sila pamilyar saken kaya malamang na mga anghel sila. Ang sabi ni Queen Mecca, habang papalapit ng papalapit daw ang birhtday ko, unti-unting lumalakas ang kapangyarihan ko. Unti-unti kong nababasag ang proteksiyong meron ang mga anghel para itago saken ang mga pag-uusap nila. Hindi raw `tulad ng ina kong Profetesse na nakakarinig lang kapag ginustong kausapin ng mga anghel, kaya kong marinig ang ano mang pag-uusap nila ano mang oras ko gustuhin o kahit hindi ko man
