LABIS na takot nga ang naramdaman ni Aling Evelyn nang tumambad sa kanya ang mga kalalakihang may takip na itim na bonet ang mukha. Nais na nga niyang sumigaw, subalit nang tumutok sa tagiliran niya ang isang baril ay doon na siya mas lalong kinabahan.
“Huwag ka nang pumalag… dahil patay ka kapag ginawa mo iyon,” wika pa nga ng lalaking nasa tabi ng ginang. Doon na nga rin bumukas ang pinto ng kanilang banyo at lumabas si Ka Kaloy na nagpapagpag ng palad sa kanyang shorts.
“E-eve---“ Hindi na nga niya naituloy ang kanyang sasabihin nang makita niya ang mga kalalakihang pumasok sa bahay nila. Nakita nga rin niya si Evelyn na kanyang asawa na kasalukuyang hawak ng isa sa mga ito habang tinatalian ng mahabang tela ang bibig nito upang hindi na ito makalikha pa ng ingay.
“Huwag ka nang papa
