ISANG katok ang narinig ni Saber mula sa labas ng bahay ng mga Legazpi. Naramdaman nga niyang narito na sina Sandra, at ang mga kasamahan nito na sa pagbilang niya sa pamamagitan ng kanyang pandama, ay nasa lima na puro babae rin. Sa kabila naman noon ay hindi naman na siya umalis sa pwesto niya, sa tapat ng electric fan dahil bukas naman ang pintuan ng bahay base sa pagkaka-alala niya.
Mula naman sa labas ay sinubukan nga ni Sandra na buksan ang pinto kaso, mukhang naka-lock ito mula sa loob. Naging kalmado lang siya at inisip na nasa loob si Saber dahil sa nakakarinig siya ng ugong ng electric fan mula roon.
“Wala yatang tao riyan Sandra,” wika naman ni Helen na kasalukuyang nagba-browse sa kanyang newsfeeds gamit ang phone. Bukod nga rito at kay Maricris na mga BFF niya, ay narito rin
