ANG SIYAM na Elders ng mga Mutants nga ay naabutan na lamang nina Saber na naka-abang sa bahay ng mga Legazpi nang mga oras na sila ni Sandra ay bumalik dito. Napaseryoso nga kaagad ang binata nang makita ang mga ito, habang ang dalaga naman niyang kasama ay napalunok at napahawak sa kanya, dahil baka raw kalaban ang mga ito.
Doon na nga rin nagsalita ang isa sa mga Elders at sinabi niya sa binatang bulag na kailangan niyang sumama sa mga ito upang makausap ni Lior. Naisip nga kaagad ni Saber na baka tungkol ito sa nangyari sa Batangas, dahil imposibleng hindi nila mararamdaman ang mga nangyayari roon.
“Magpapalit lang ako ng damit,” sabi ni Saber at ang mga Elders ay tumango na lang para bigyan ng pagsang-ayon ang binata.
Mabilis na pumasok sa loob ng bahay sina Sandra at Saber. Mabili
