KAGABI pa lang ay pinagplanuhan na ni Saber ang kanilang gagawin. Ngayon nga ay may kasama na siya sa pagpunta sa Batangas, si Yuna. Sa sunod na raw nga ay tatanungin din niya si Sandra kung pwede rin itong sumama sa kanya para mas dumami ang mata nila sa paligid, at isa pa, mas maganda ring ito ang magtanong-tanong sa mga hinahanap nila dahil sa kasanayan nito sa panahong ito.
Kailangan nilang pakalatin ang presensya nila at medyo nga lang delikado ito dahil hindi nila mararamdaman ang mga Eternity. Maaring sila ang maunahan, at pwedeng sila rin ang mauna.
“Pero ang pinakang-main mission natin ay ang mahanap ang dati nilang katauhan.”
“Sa palagay ko, nahanap na nila ang mga iyon,” sabi naman ni Yuna kagabi habang nag-uusap sila sa kanilang mga isip. Alam na rin naman iyon ni Saber, kas
