NAGUGULUHAN pa nga si Wyze sa pinili niyang desisyon. Ngayon kasi ay kasama na niya sina Haze at Mad, at mabilis nga silang tumatakbo papunta sa bahay ng kanilang Panginoong si Lior. Nakita niya kung nasaan si Saber, at kung totoo ang lahat ng ipinakita sa kanya kanina ay wala na siyang ibang pagpipilian kundi ang iligtas ang binatang bulag na iyon. Isa ring malaking dahilan kaya sumama na rin siya sa dalawa ay ang kagustuhan nitong iligtas ang kanilang kaibigan.
Kahit pa isa siya sa Elite 9, at kahit pa maraming humahanga sa kanya ay wala pa siyang nakikilalang totoong kaibigan. Iyong kaibigang hindi lang lalapit sa kanya kasi tanyag siya o maganda. Sandali nga siyang napa-iling dahil sa naalala niya ang balak niya para kay Saber. Parang napapa-isip siya na mukhang may hindi ito magandan
