"BAKIT ba ang tagal mong bumaba?" kunot ang noo na tanong sa kaniya ni Jason nang abutan niya itong naghihintay sa may bench sa tapat mismo ng building nila.
"Nagligpit pa kasi kami ni Leo nung mga ginamit namin kanina sa report namin," sagot niya saka ngumiti. "Sina Ara at Daniel, hindi ba sila sasabay sa atin?" tanong niya pagkuwan saka tiningala ang binata.
Umiling si Jason. "Nanliligaw ba sa'yo iyong lalaking iyon? Iyong totoo, ayokong nagsisinungaling ka sa akin," sa tono ng pananalita ng binata ay halatang totoo sa loob nito ang sinabi at iyon ang dahilan kaya mabilis na nagsalubong ang mga kilay ni Jenny.
"Bakit ba ganyan ang tono mo?" ang sa halip ay isinagot niya dito.
Nangalatak si Jason. "Ang tinatanong ko nalang kasi ang sagutin mo, sino ba kasi ang lalaking iyon sa buhay m
