Chapter 49
MARK's POV:
SA TAPAT NG BAHAY ni Angie nahinto ang aking kotse.
Halos ilang buwan din ang huling pagpunta ko rito. Hindi ko nga alam kung paano ko magagawang harapin at kausapin ang nanay ni Angie. Batid kong galit na rin sa akin si tita dahil sa hiwalayan na nangyari sa amin ng kanyang anak. Pero handa akong tanggapin ang masakit na salitang sasabihin nito — dahil nauunawaan ko siya.
Hindi na ako nagdalawang-isip na pumasok sa kanilang bahay nang makita kong nakabukas ang pinto.
Sana lang ay makausap ko si Angie. Sana ay nandirito siya para maayos na namin ang mga bagay na hindi namin naayos noon.
Pagkatuntong ng paa ko sa loob ay tila napaso ako dahil isang matalim na mata ang siyang sumalubong sa akin. Ang matang 'yon ay galing mismo sa nanay ni Angie na siyang naka
