NAKANGITI si Madizon habang pinapanood ang pinadalang video sa kanya ni Dominic. Kadarating niya lang ng bahay nang tumawag si Dominic. Hindi na siya pumayag na ihatid pa ni Dominic lalo na at pagod din ito.
Bago sila umalis sa bahay ni Emman kagabi ay naglagay sila nang CCTV sa silid nito. Gusto nilang makita ang magiging reaksyon ni Mendoza. Kitang-kita niya ang galit na galit na mukha ni Mendoza. Hindi ito makapaniwala na wala na ang anak. Hindi nito matanggap na naisahan ito ng kalaban. Ang tulad nitong hangal at sakim ay hindi patatalo. Inaasahan na nila ang magiging reaksiyon ni Mendoza. Tiyak na gagawa ito ng paraan mahuli lamang sila ni Dominic. Handa na sila kung sakali man na balikarin ni Mendoza ang mundo upang mahuli ang pumatay sa anak nito. Hindi rin kaila sa kanil
