HINDI maintindihan ni Madi ang sarili kung bakit hindi niya mahindian ang pakiusap ni Joaquin na dalawin niya ito sa ospital. Panay ang tawag nito sa cellphone niya. Nang una ay ayaw niyang sagutin ang mga tawag nito pero wala rin siyang nagawa sa huli. Wala siyang balak na pumasok dahil sa nangyaring operation kagabi. Hindi niya kayang makita ang pagluluksa ng mga kasamahan.
Natagpuan ni Madi ang sarili na dinadalaw si Joaquin sa ospital. Nakacivilian siya ng dumalaw sa lalaki dahil wala naman siyang plano na dumaan sa opisina. Dumaan muna siya sa supermarket para bumili ng prutas. Bumili rin siya para sa mga kasamahan niya na nakaconfine rin sa naturang ospital.
Huminga muna nang malalim si Madi bago siya kumatok sa silid ni Joaquin.
Nang buksan niya iyon ay mag-isa lan
