Chapter 34
Zai POV
"NAGKAMALAY na ba siya?" tanong ni Dra. Farrah sa akin.
Isang buntong–hininga ang pinakawalan ko bago sumagot. "Okay na siya, kumislot–kislot na ang mga kamay niya kanina." Kinuha ko ang maliit na kamay ni Yuan at dinala sa aking bibig. Tiniis ko na wag mapaiyak. Dahil sa kapabayaan ko, muntik ng mawala sa akin si Yuan.
Nahulog sa pool si Yuan at mabuti na lang at may nakakita sa kanya habang naghihikahos sa ibabaw ng tubig hanggang sa lumubog. Takot at matinding kaba ang nararamdaman ko habang sinasagawa ni Zane ang CPR sa bata, kinalma ko ang sarili ko dahil walang magagawa kong maghehestirya ako.
Pagkalipas ng tatlong minuto bumalik din ang pulse rate ni Yuan at agad naming dinala sa ospital para makasiguro sa kaligtasan niya. Hindi ko mapagkakaila ang matinding
