Chapter 16
Zai POV
HINDI maalis–alis ang mga ngiti sa labi ko habang hinahaplos ng mga daliri ko ang kulay puting bestida na nakapatong sa ibabaw ng kama. Ito ang isusuot ko mamaya na binili ni Dra. Farrah para sa akin. Dinampot ko ito at itanaas sa ere, pinakatitigang mabuti. Simple lang pero elegante tingnan. Gawa sa silk at mukhang mamahalin. Lagpas hangang tuhod ko at mahaba ang manggas.
Ilang oras na lang magiging Mrs. Dela Costa na ako. Isang apelyidong pinapangarap halos lahat ng mga kababaihan dito sa aming bayan kahit sa ibang lugar.
Apelyidong magiging akin na rin.
Isang civil wedding lang ang magaganap na dito gagawin sa bahay ng mag–asawang Farrah at Henry. Na dadaluhan lang din namin---walang bisitang invited at walang kaibigan. Bagay na hiniling ni Zane sa kanila bilang
