Hawak kamay na naglilibot kami ni Kaden sa labas ng villa ni Sean. May gusto kasi bilhin sina Jiro sa isang grocery store sa bukana ng subdivision ngunit nagprisinta si Kaden na kami na lang ang pupunta. Nalaman pala kasi ni Kaden na may mga pasyalan na katulad ng parke sa hindi kalayuan rito kaya balak niya muna ipasyal ako sa palibot habang papunta sa store.
"We should buy a house in here." Masayang masaya na komento ni Kaden habang nililibot ang tingin sa buong lugar. "May privacy at maganda ang security ang mga nakatira rito. May playground rin para sa mga magiging future kids natin. What do you think, Sachi?"
"Ikaw bahala." Walang ganang sambit ko sa kanya.
Bigla siya tumigil sa paglalakad at kunot noong dinama ang aking noo. "May lagnat ka pa rin ba, Sachi?" Nag-aalala niyang tano
