Araw nang Sabado, napagpasyahan nina Maggy at Xandrie na mamasyal sa mall malapit sa kanilang tinutuluyan. Naging abala kasi sila nitong mga nakaraang araw, at parang biglang na-sufocate sila sa loob ng kanilang tirahan. Balak lang nilang mag-ikot-ikot, at mamili ng ire-regalo sa Mommy niya sa darating na kaarawan nito. Muntik pa nga niyang makalimutan iyon kundi lang ipinaalala ni Maggy iyon sa kanya. Sa makalawa na ang kaarawan nito, kaya naman excited na rin siyang umuwi sa kanila at makita itong muli.
Abala siya sa pagpili ng bag na ireregalo sa ina, nang may mahagip ang kanyang mga mata. Si Brix! At hindi ito nag-iisa, may kasama itong bata at isang magandang babae na siyang may karga sa batang babae. Larawan ng isang masayang pamilya ang mga ito. Nakaramdam siya bigla nang kirot, a
