PAGLAPAGA ng eroplano, kaagad na umayos ng upo si Calvin King. Kating-kati na siyang bumaba, nang sumenyas si Heckson na pwede na ay mabilis siyang kumilos at bumaba.
"Hindi halatang sabik ka, 'a," natatawang sabi ni Heckson nang binuksan nito ang bintana sa may pilot seat at tumingin sa kanya.
"One week without her is like I'm in hell," aniya.
Napailing si Heckson. "Obvious naman, mukhang ikaw ang susunod sa yapak nina Maximo, Tyeron at Mikael, 'a."
Napatitig siya sa kaibigan at natahimik, hindi niya kasi alam kung ano isasagot niya sa sinabi nito.
"Alis na ako, alam ko namang nagmamadali ka, saka na tayo mag-usap, balitaan mo na lang kami kapag nakabuo kayo," ngumisi pa si Heckson.
Tumango lang siya at hindi na nagkomento pa. Mabilis na tumalikod siya at halos lakad-takbo na tinaha
