حلال ممنوع

ضياع حلم

#حلال_ممنوع

نورا ناصر

انصدمت من جرئته هذا شبي هيج تغير فجاة ..

احسه فاقد كلش.. دااحاول ابعده مااكدر

ايديه مكبلهن بايده اليسار ومخليهن فوك راسي ..

كتله وخر جمال تره والله هسه صرخ

رفع راسه من رقبتي الي جان يشم بيها

باوعلي وابتسم بخبث

كال بثماله اي صرخي اني اريد تصرخين ..

...

مااكدر حتى احرك ايدي قبضته كلش قوية

ظليت احوص .. كلي اذا ظليتي تتحركين راح تنجرحين وتتاذين .. خفت من كلامه وهدات وبطلت اتحرك ..

ركزت بعيونه جنها غابه خضره ومبللها المطر يلمعن لمع مكدرت افسر سر نظراته تفريغ غضب لو رغبة

...

اول مره اشوفهن هيج ويحلن بعيوني

عيونه صارت مهدأ وهمس كلامه صار الم**ر الي

هي دقايق وتلاشت كل الحواجز الي تمنعه مني

...

خلص كل شي وكام مني درت ع الصفحة الثانية وخليت ايديه على وجهي وصار صوت بجي مسموع .

.

اجه يمي كال امي هيج تحجين عليه اني مو رجال فاتن مع الاسف عليج ..

واني على وضعي زدت بالبجي كتله والله مكلت هيج والله والله ..

لعد شون عرفوا اني ممتقرب الج لازم انت حاجيه ..

باوعت اله كتله اني كلت لامي زلة ل**ن وصارت بس ماكلت عنك مو رجال امك زود بالحجي ..

خله ايده جوه خصري ودارني اله وهو متمدد

وخر ايدي من على وجهي ..

انهال عليه بسيل من القبلات الحارة ..

...

ومطوق خصري بايد وحدة والثانية لازم بيها راسي ويقربه اله .. وكلي اني احبج فاتن ..

دفعته ومن بين دموعي كتله انت شسويت شراح تكول لمعتز .. .. .. !!!!

كام سد حلكي ويحجي ومسدد نظراته بعيوني مباشرة كال بعد مينحجي بهذا الموضوع

مرتي واخذتج .. عافني ونزل من الجرباية وديلبس ملابسه ..

كعدت نصي كتله .. وشراح تكوله اذا حجه ..

قرب مني كال فااتن انت من هاللحظة مرتي ومستحيل افرط بيج ..

اخذ منشفه وطلع وبقيت اني اللوب ممصدكه الي صار عبالك مثل الحلم

دخلت جوه البطانيه وبس ابجي وافكر بمعتز ويتخلل لاذني كلامه اخر مره وبالاخص جملته من كال وانت اكيد بعدج على وعدج ..

واني شعليه اخو هو السبب ومحافظ عليه وعلى الامانة ..

سمعته دخل وخرت الغطا وكمت امشي برقة ..

رحت اخذت ملابس واريد اطلع من الغرفة

لزم ايدي ظليت اباوع لعيونه وشعره مبلل وملابس بس سروال ..

كال فاتن خو مابعدج متوجعه

نفضت ايدي منه باوعتله بحقد

كتله لاتلزمني اني راح اسبح واروح لاهلي ..

شفته تفاجأ كال _شكو فاتن ليش ..

...

_ انت خنت امانة اخوك جمال ..

...

_لج ياامانه انت تخبلتي انت زوجتي تتوقعين راح انطيج اله بسهولة شنو اني ديووث ..

...

_لعد والاتفاق الي بينكم ..

...

_ لااتفاق ولاشي هذا يضحك على نفسه لج فاتن اني ردته يهدأ وميرجع للعراق حتى لينقتل وبعدها اكيد راح يستقر هناك ويتعود بعدين

ينسى .. الصراحة اني جنت رايدها بس خطوبة بس الامور راحت الابعد من هذا بهواية ..

_رايحة اغسل اني ..

_روحي ..

رحت للحمام غسلت وطلعت شفته بالغرفة

وكفت يم المراية دنشف شعري

كال خلصي وتعالي نحجي..

باوعتله بحقد كتله مو وكت ميعجبك نحجي وكت ميعجبني احجي تسكتني ..

تعااي كتلج .. جاوبني .

كتله اريد انشف شعري واروح يم امي صار هواي مرايحة ..

خطوتين وصار يمي

ظل يجر بخصلات شعري بخفه ويباوعلي بهيام وشغف ..

كال _منا وجاي متروحين بدون اذني ..

جاوبته وشنو الي تغيير هسه ..

جمال_يعني تسوين نفسج متعرفين ..

_جمال الي صار هسه اعتبره خطأ ..

_لامو غلط راح يصير سنة صايم عنج وانت حلالي اباوعلج نايمه بالليل ومرات بلا غطاا اتعذب اظل اعض اصابعي واندار عنج وارجع لاارادي اللتفت الج وعيوني تاخذ روحي الج مره ثانيه ..

تقرب مني اكثر رجعت ليوره طخ جسمي بالميز خله ايده على خدي يداعب بشرتي

. كال لج بطه الحب بالحلال حلو وانت حلالي

وهم بنفس الوقت كل ممنوع مرغوب وانت حلالي الممنوع ومتريدين احبج ..

ظليت ارمش حلقت لبعيد بكلامه معرفت شنو ارد عليه ..دفعته من ص*ره كتله اريد اروح اشوف امي ..

كال يلله روحي اني راح انام ارتاح شويه ..

هزيت راسي .. نشفت شعري ورحت يم امي

دخلت لبيتهم .. شفتها كاعدة يم ابوي ونسرين كاعده تشوف تلفزيون ..

كعدت يمهم ظلت امي تباوعلي ترفع تك حاجب عود شبيج ..

هزيت راسي ودنكت .. اشرتلي تعاي يمه فاتن عندي حجي وياج ..

رحت وراها بغرفتها بس كالت شبيج

نمت بحضنها وطكيت بجي ..

ظلت ترفع براسي كالت ولج شكو خوفتيني عليج

كمت لزمت ايديها كتلها موتردينه ياخذني هذا هو اخذني

امي_اي صلوات يعني كدر ياخذج مابي شي ..

هزيت راسي اي ارتاحي ماما ..

امي _ ولج خوفتيني عبالي شي يايمه اي ريحتيني هسه

شكم دوب اظلون هيج مايصير ..

بقلبي كلت الها انت ماتدري شي حقج ..

سولفنه وتالي طلعت من الغرفة رحت للمطبخ شفت عادل سلم عليه

كال تعالي ولج اسولفلج ..

هاا شكوو

عادل_ ولج عمي من اجه جايب سلوى اقريها كلي اني مانطيتك هيا وخلفت بوعدي بس موبيدي لان تعرف مااكدر اجبرها بس راح انطيك سلوى بعد موافقتها طبعا ..

فاتن_اي وشكتله ..

عادل_كتله لاعمو اشكرك مامفكر بالزواج هسه ..

بس انت موهاي تدرين شنوو

_شنوو

_لج هاي سلوى كلما تشوفني تطكها صفنه جنها ابوصابر ..

_شون تصفن وهي ترمش هواية (بالنسبة لسلوى هيه حلوة كشكل عيون جوزيه بشرة حنطية وناعمه شكلها محبوب وبريئ بس عدها مشكله بعيونها هوايه ترمش اكثر من المعدل الطبيعي)..

_لا ولج وهي ترمش صافنة ..

ضحكت واني كلبي محروك .. كتله سلوى فقيرة وهادئة مو مثل هيا ..

عادل _لاسلوى ولا هيا ولاهم يحزنون بطلت ومااريد اللجم جرحي بعده ماطاب ..

بقلبي كتله مو مثل جرحي ..

صار مغرب ظليت اصوج اروح لهناك واضوج اشوف جمال ..

دزيت رساله اله من فون امي كتبت اله عفيه جمال اريد ابقى شويه ارتاح هنانه فدوه لتجي عليه ..

دز : ابقي براحتج .

يوم ثاني كعدت من الصبح ماداومت حتى

بس ضايجة كلش

اشوف مرة زهير تحوس بالمطبخ

صبحت عليها ردت من ورة خشمها

وراحت كعدت ع الكرسي

كالت اووخ والله اضوج من كعدة الصبح

كتلها جان بقيتي نايمه اشوو امي تطبخ

ولاء_لايمعودة لازم اشوف عمتي شتطبخ ماتطبخ ..اذا مااشرف عليها تطلع كومه تمن وبالاخير يزيد وتشمره حرامات وتدرين زهير وراه كومه مصاريف وهو بس على هالمحل ..

كمت من مكاني كتلها ترة امي طول عمرها مدبرة مايحق الج تحجين عنها هيجي ..

ولاء: وانت شمدريج اشو صار كومه ابيت عيالج عبالج مثل قبل قابل جايبه الحجي من جيبي وراحت دخلت جوة ..

غميتها كتلها عابت تشتغل عندج امي وتشرفين عليها شتطبخ ماتطبخ ..

دخلت امي لزمتها كتلها ماما هاي شنوو وتنطيها مجال ماتحترمج هالف**ه هاي ..

امي_لج يمه مااريد مشاكل خليها شماتكول خلي تكول موزوجها جاي يصرف علينه الف عين لاجل عين تكرم ..

_ ماما بس مو هيج كل شي بكيفها ..

_لا ماما مو كل شي بكيفها اني اعرف اتصرف خلي راسج بارد انت ..

ظلؤت اهز بيدي ..

صار وقت الغدا اجوا كعدوا حسيت الوجوه ثكيله عليه زهير ومرته .. ضجت اكثر ..

بعد ماخلصنا صاحني زهير كلي سمعي موتجيين هنا تسوين مشاكل زوجتي حامل وتعبانه لاتضوجيها وتضوجين خلكي ..

كتله اي عيني حقك ..

عفته ورجعت لبيت عمي

بس احس الدنيا ضاكت بيه كلش ومجاي اتحمل ابد ابد ..

جان وكت ظهر طبيت للبيت اريد اصعد للغرفة سمعت صوت ضحك بالصالة رحت شفت جمال وتغريد وحدهم ظليت اباوع عليهم واحس نار اشتعلت بيه

باوعلي وهي هم .. كال تعااي سلمي

اشرتلها من بعيد سويت الها هلاو

كالت هلوو بيج ..

طلعت من الصالة شفتهم بالمطبخ متجمعين خالته ومرة خاله وخاله واكف هم وياهم يشرب جاي

سلمت عليهم ظلوا يحاجوني ويسالون عن اهلي بقيت شويه يمهم .. دخلت تغريد وحدها للمطبخ ..

صرت اتضايق من وجودها ترخصت وصعدت ..(هم بيتهم كلش قريب وعلاقتهم قوية لذلك دومهم يجون )

للغرفة شفت جمال متمدد ع السرير والغرفة ظلمه بس التلفزيون مفتوح

وديتف*ج فلم ..

فتت بس احس الغرفة كبر هالكد ما اني كارهه كل شي واكرها اكثر من اشوفه ويا تغريد ..

اخذت ملابس ورحت للحمام غسلت بدلت وطلعت

وكفت ع المراية دمشط شعري ..

اجه يمي اخذني للسرير يبوس بيه ومايفك

دفعته كتله وخر مااريدك تلزمني يلله وخر ..

دفعني منه كال تخبلتي بس موصوجج صوجي اني والله ..

كتله روح روح لحبيبتك تغريد تنتظرك جوه ..

قرب يمي كال ع الاقل تغريد حفظت سري ماراحت حجت منا ومنا كل شي تعرف ورغم الحجي السمعته والشماته الي مبقوا كلمه مكالوها هي سكتت شايفتلج هيج ..

باوعتله ودرت وجهي عنه .. اجه يمي كال شايفتلج هيج احجي ..

هم محجيت بس احس كلامه خنجر بكلبي ..

وخر راد يطلع

كتله لازم البوس مال السطوح هواي غزر ..

ضحك واجه يمي كال هي جانت شغلة تحدي وصارت بوجهج . .

باوعتله مقندبة وجه ميكصه السيف

كال تردين تعرفين شلون

ملامحي جانت توحي بالفضول بس ماحجيت لذلك

ظل يحجي .. كال احنا من الطفولة سوا وتقريبا الكل يعرف احنا البعض عمري متقربت منها

هيه تحدتني بذيج الليله وبستها ..

كتله عزاا شهالخفة

همس قريب على اذني كال تحببببني ..

كتله الي شفته اكثر من بوسه ..

كال المهم هي صارت ..

باوعت بعيونه قرب عليه اكثر

قربت شفافه تلامس شفافي يريد يبوسني بس سمع صوت خاله يصيحه ..

بسرعه درت وجهي .. وهو طلع ..

سمعته صاح هااا خالووو ..

شعلت الضوه اخذت كتاب تمددت على السرير

وظليت اقرا .. للمغرب نزلت جوه شفتهم رايحيين

الوجوه ثكيله من عمتي وهيا ..

توضيت وصليت وسويت العشا .. تعشينه وصعدت

قريت شويه نعست كلش ..

رحت للكنتور اطلعلي ملابس حتى انام

صارت كبالي كيمونه بنفسجية حد فوك الركبه بشويه اخذتها

لا خاف يتخبل عليه جمال ..

سمعته كال البسيها ..

شمرتها بالكنتور اجه ورايه ودارني اله

كال لاتعاندين صرتي مرتي

اريد افلت منه مااكدر

اتذكرت من يحجي بتغريد

كتله البسها بس وخر

كال خوش ..

اخذتها ولبستها وخليت ع اكتافي شال ..

باوعلي وغمز

كتله لبستها ارتااحيت ..

اجه بسرعه اخذني للسرير

جنت بين المرغمه والمستسلمة

احس بضياع بين مااريد ارجع لبيت اهلي وبين مااريد جمال يطلكني ومعتز بحث اخر ..

الايام البعدها عانيت هوايه

لاجاي اتقبل جمال ولاانسى وعدي لمعتز

ظل جمال يتذمر مني هوايه مرات يجبرني يشوفني ابجي يتركني ..

كضيناها عركات ..

ماادري شلون فاتت امتحانات نصف السنة

وجمال ابتعد وظل ميهتم الي مل مني ومن رفضي اله واني كاضيتها بجي ..

اروح لاهلي ماارتاح ارجع لبيت عمي نفس الشي ..

فد يوم اجه كمال حماي كال تعالووو خبر اله بشدة

كلهم كعدوو يمه كال خابرني ابن الشيخ مالتنه

وكال صديق حامد ابن عم المقتول الي تهموا معتز بقتله ..

كلهم كالووو اي شبي .. !!!!!

معترف عليه يم الشرطه على هواي شغلات مسويها ومن بينها تهمة القتل الي وكعت براس معتز وعنده دلائل يعني التهمه ثابته عليه ..

صاحت عمتي يعنييي شنووو ابني معتزز تبرأ يعني اكدر اشووفه يجيني ..

ابو كمال .. اصبري يامرة خلي نشوف شراح نسوي

كمل ياابني ..

كمال _ اي يابه نروح للشيخ باجر ونشوف شراح نسوي ..

بعدها راحوا للشيخ وعلى ما رجعوا احنا على نار

من اجوا حجوا الشيخ كايل الهم ن*د على عشيرتهم رد اعتبار النا ونطالبهم بفصل ..

شمس الحقيقه لابد ان تشرق بيوم

وتبرأ معتز ..

بعدها بايام صاحتني عمتي كالت معتز يريد يحاجيج

كلبي ظل يدك وتنفسي صار سريع كلش خطواتي ثكلت شون راح اواجهه واحجي ويا

كوه رحت واخذت التليفون منها

سلمت عليه يحجي طاير من الفرح اخذت التليفون ورحت للمطبخ احجي بهمس ..

معتز _شونج فاتن ..

فاتن_اني زينه معتز ..

_لج اني تبرأت واكدر اجي للعراق واخيرا فاتن ماجاي اصدك

_ والله فرحت الك ..

_خلص اني راح اجي مااريد لااقامة ولاجنسيه ولااي شي عندي المهم اجي للعراق واشوفج وتصيرين الي ..

_شنو معتز شون اصير الك واني زوجة اخوك ..

_زوجة اخوي على ورق انت مالتي ..

_والناس شنو نكوللها وشون تقنع والحجي الي راح يصير ..

_باعي اني فكرت تطلكين من جمال وبعد فترة يتزوج تغريد لان هي بعدها تحبه وتنتظره وهي تعرف كل شي وبعد فتره اخطبخ ونتزوج واذا حجت الناس فترة ويسكتون قابل شمسوين احنا متزوجين بالحلال وعلى سنة الله ورسوله ..

.......

سمعت صوتهُ عبر الهاتف وإذ بهِ متلهف على العودة لكي يأخذني الى احضانهِ ..

صوته كان مليء بالسعادة مليء بالأمل

لقد حل الف*ج عليهِ وتحرر من قيود سجنهِ الى الابد ليقع في حفرةً يُسجن فيها للأبد حفرةً حفرها لهُ اقرب ناسهُ ..

ياترى ماذا سوف تكون ردت فعلهِ على فعلتهِ عندما يعرف بأن من سلمهُ امانتهُ خانهُ ولم يهتم بخيانتهُ ..

خوف وهروب وأمل كَبُرَ داخل وجدانهِ ..حلم رسمهُ في مُخيلتهُ وعاش فيه ايام وسنين طوال ..

فجاءةً. ..

وبعد العوده يسمع اصدار قرار سجنهِ الابدي وضياع حلمِهِ الذي باته مستحيلاً .

لكاتبتها مشكورة (Vaolit rose)❤❤❤

بقيت اتحسر كتله الله كريم طلعت من المطبخ طبيت للصالة كتله وهاي عمه وياك ..

وودعته ..

شفت عمتي رافعه وجهها الي باستغراب وملامحها كلها تكول شكو وشنو الي يريده منج ..

تجاهلتها ودخلت للمطبخ مره ثانيه هيج بس افتر واحس نفسي بس اللوب ..

اجت بلقيس تكود ابنها وبطنها صايرة جبيرة

وتن*د وترزل بي ..

جنت مااريد اسمع ضجه لان الضجيج الي بداخلي مكفي وزايد ..

صعدت فوك للغرفة بسرعة .. وكفت يم الباب

مااريد جمال ينتبه عليه لان جانت الدموع بطارف عيني وصوت معتز مديفارك مسامع اذاني

..

توجهت للحمام دخلت وسديته

وكعدت واحس شريط حياتي كله انعاد كدامي

من اول ماجان معتز يكولي مرتي

بوقتها جان عمري ٩سنوات

لحد ماكبرت وكبر هالاحساس وياي

بانه اني راح اصير مرته ..

لحظات وتهاجمني افكار سودة

واذا عرف معتز بلي صار ويا جمال

خاف يفضح كل شي .. ض*بت على فخذي اله تخبل ..

طلعت من الحمام لان البرودة ظلت اصل بعظمي ..

راسا نزلت جوة .. فتت من يوم الهول عمه كاعدة هيا لازمه الفون وكاعدة ع التخم سلوى مقابيل الصوبة بيدها كتاب تقرا ..

جان يوم جمعه والكل موجود ..

هيه لحظات واندارت الدنيا بيه حسيت بدوخة رجليه ماعادت تكدر تشيلني وكعت على ركبي

الكل صاروا فوك راسي

رفعت نظري لهيا جانت نظراتها كاتلها الفضول تريد تعرف شنو الكاله الي معتز وخلاني اوكع

بقيت كاعدة ورجليه مثنيات صفح ..

صاحو الجمال اجه كمبص مقابيلي

لزم ايديه وبعيونه الخوف

سالني شبيج اوديج مستشفى ؟

جاوبته_لا بس خلي ارتاح شويه واكوم

لزمني من ايدي د*كومني

رجليه ماشالتني

كتله مابيه عوفني هنا هسه ارتاح واكوم ..

لحظات ورفعني من الارض

تمسكت بي من تشيرته وحاوطت رقبته بالايد الثانية

شالني وصعدني فوك ..

مددني على السرير ..

ظليت اباوعله بعيون مدمعه ويباوعلي باستغراب ..

نطقت كتله حاجيت معتز ..

كام من يمي معصب

كال وليش تاحجينه ..

فاتن_هو راد يحجي ويايه كال لعمه انطتني التليفون

شكول العمه مااريد احاجي انوب شتكول ومية سؤال يخطر ابالها ..

زفر بعصبيه وظل رايح جاي ويعيد خطواته بالغرفه يرفع شعره ليفوك بتوتر ..

مااعرف شلون طلع مني الكلام كتله والغصه تارسه ص*ري ..

معتز فرحان ببرائته يريد يترك كل شي ويرجع لهنانه ..

يكولي بعدني متمسك بيج واريدج ..

تقدم الي كال اسكتي اسكتييي خفت كلش منه حضنت رجليه لص*ري .. حاول يتماسك اعصابه لان اني بوضع مايسمح اله يعصب عليه ..

بس حسيته ماكدر بعده يفور

خله ايدي على ميز المرايه وسحبهن من بدايته لنهايته وكع الاغراض الي ع الميز كلهاا ..

رن تليفونه شاله وركعه سوا اربع وصل ..

اني غصيت بالبجي وصار صوت البجي عالي

سوه المسافه الي بيننا خطوتين واجه يمي

خله راسي على ص*ره حضني حييل

دكات كلبه سريعه كلش تنفسه اسرع

جسمه حار حيل حار

يبوسني من راسي ويهدئني ..

كال راح نتخطى هاي المرحله بس ديري بالج على نفسج وثقي بيه ..

اكتفيت بال**ت ونمت على وقع همساته ولمساته ..

ماوعيت اله ع صوته هو و امه تكوله شنو هاي الاغراض ليش هيجي م**رات

_ماكو شي ليظل بالج ..

_شلون صارت خاف حامل خلي نوديها للدكتورة ..

_ان شاءالله خير اني اخذ الها تحليل ..

_ ماتردون غدا .. ؟

_هسه اجي اخذ النا غدا ..

طلعت امه واجه يمي .. افتح عين واغمض عين

بعد مو كلش صاحية ..

ظل يباعد شعري من على وجهي ..

سألني ها شونج هسه .. ؟

جاوبته ببرود احسسن ..

_راح اجيب اكل حتى تاكلين ..

_لتعب نفسك مااشتهي

_لا اكلي لان وجهج اصفر ..

مسح بايده على شعري بحركة كلها حنية وطلع من الغرفة ..

رجع وبيده الصينيه كعد يمي وظل يقطع بلحم الدجاج ويوكلني ويا التمن والزلاطه ..

حسيت شويه براحة ..

جمال _امي تكول خاف حامل ويغمز ..

فاتن_لا مااعتقد ..

جمال_خليني اخذلج تحليل ..

فاتن_مو كتلك متاكدة ..

جمال بعصبية_اوكي خلص خلص شبعتي انزل الصينيه

فاتن _اي شبعت اني انزلها خليك انت ..كمت اريد اشيلها ..

اخذها مني كال لتوكع منج ع الدرج لان بعدج دترجفين

طلعنا سوة من الغرفه وصلني لحد باب الحمام بصفة تصير مغسلة وكفت اغسل

كال غسلي ورجعي للغرفة .. هزيت راسي وهو نزل ..

الايام الي بعدها سيرة معتز صارت تأرقني

اذا اسمع عمتي تخابره كبل اختفي من كدامهاا ..

ابو وكمال يكلوله اصبر لتجي حصل الجنسية يلله احسن الك كل شي يصير

بس هو مصر يترك كل شي ويجي يكول الهم تعبت من الغربة ..

اني وجمال بقينا على مشاحنات ..

من يصير الليل يريدني واني ماجاي اكدر اتقبله وجاي احس بتأنيب الضمير دااحس بنفسي خاينة ومو مخلصة ووفية ..

ليل نهار افكر بردة فعل معتز شون راح يتقبل الموضوع وشراح يسوي ..

جمال حتى تليفون مااشتره وماتواصل ويا معتز ابد ..

داحسه ديتهرب منه ..

بس مااحسه ندمان على السوا ابد واحسه متمسك بيه ..

يوم منهن جان عندي امتحان رياضيات ومخبوصه بي

كعدت بالكاع والارض مليانه دفاتر وملازم واحاول احل وافتهم ..

ولان بالفترة الفاتت اني وجمال جنه يوم زيني ويوم لا

ماظل هالكد يقريني ..

شفته دخل بدون ميحجي وياي شعل التلفزيون ومدد ع السرير ..

واني ظليت اللوب ويا الرياضيات ..

ظل يباوعلي حس بيه

اشرلي وكال تعالي شعندج ؟

نطيت كتله ماعندي شي ارتاح

ماريد اروح يمه ع السريير لان اعرف تاليتها شنوو

كال تعاالي كتلجج ..

كمزت من صوته اخذت الكتاب وورقه ورحت يمه ..

ظل يقريني لحد مافهمت كتله اوكي شكرا واريد انزل

لزمني من شعري بخفة ولج وين

درت وجهي باوعتله هااا

كال اريد بوسة

قربت اله خدي

كال انت بوسيني شلي بخدج ابوسه

قربت اريد ابوسه بخده تعمد يحرك وجهه وصارت شفايفه على شفايفي ردت ابتعد تقرب مني اكثر

وحبس حتى انفاسي

صار فوكي واخذ الكتاب وشمره

خليت ايدي على ص*ره ادفعه

كتله والله عندي امتحان

كال نخلص واني اقريج امتحانج كله

وكام جر الفرشه ودفعها وكعت جوه هي والكوشايات

كتله اووو بعدين شيرتبها

كال بصوت خلاني انقهر عليه اني ارتبها ...

واستسلمت اله رغم مية شغله ابالي ..

بعدها بفترة تعبت ومثل اي مرة ببداية حملها تتعب ومتتحمل كل شي .. حللت وطلعت حامل

رجعت للبيت وياامي وبلقيس

كمال رجعنا ..

صدمة بعد صدمة بعد كل شي يروح فكري لمعتز

تمددت على السرير .. كارهة الدنيا كلها وموهامني شي حتى الي ببطني وجنت معتبرة جيته اكبر غلط بالوقت الراهن ..

اندكت الباب صحت تفضلوا .. دخلت منال

سلمت وكالت مب**ك سمعت حامل ..

_الله يبارك بيج ..

كعدت يمي وظلت تسولف

دك تليفونها رفعته وظلت تحجي واني يمها بس اسمع ..

منال _الو هلو معتز حبيبي شونك خوية شو طولت موكلت تجي ..

اهاا الله يسهل عيني اني هسه يم اهلي توه جيت وامي كلتلي فاتن خطيه حامل وصعدت يمها ابارك الها تحب تحاجيها تبارك الها همين .اي فاتن مرة جمال بنت عمي شبيك معتز يااا .. اهاا اوكي يا معتز شبيك وين توه خابرت خلي احجي وياك .. يااا شبي هذااا يلله الله وياك ..

فاتن .. من سمعت كلام منال ويا معتز عرفته انصدم

كعدت منال يمي بس احس راسي راح ينفجر

ومحتاجة اتقيء .. تخربطت من راسي الرجليه

بدخلة جمال

اخذني للحمام ظليت اتقيء وهو لازملي راسي

خلصت وغسل وجهي

اجيت اوكع شالني شيل وداني للغرفة

خلاني على السرير ماحسيت بشي بعدها ..

نص الليل كعدت شفته نايم يمي بس نومته مو عدل مثل الجان ينتظرني اكعد ..

حسيت بدوخه وبطني فارغة كلش

وحلكي ناشف

احتاجيت اشرب مي مشفت يمي

كلت انزل اشرب ..

بس تحركت كعد هو ..

منعس وعيونه حمره دم ..

كال شبيج خو مابيج شي ..

اريد انزل اشرب مي ٠

رجعي نامي اني اروج اجيب واجيب الج اكل همين .

ميحتاج اني مبيه شي

مو انت دايخه خاف توكعين من على الدرج ..

بين رفضي واصراره صرخت بوجهه تره معتز عرف ..

كال ادري عرف كل شوويه مذكرتنييي تره افتهمت والله ..

وهسه شنو ترديني اسووي يعني ابني مااتخلى عنه وطلاك مااطلك خلي يكون عندج علم انت وهوو ..

تقرب مني يحاول يتماسك اعصابه

كال بطه عفية لاتكدرين عليه فرحتي بهاليوم ..

فاتن ..بس اني حب عمره وسنينه ..

جمال .. انت زوجتي حلالي وام ابني ..

_اني شريكتك بالغدر والخيانة ..

ضحك احلى شريكة والله ..

_وخر عني ريحتك مطيبه ..

ظل يشمشم بروحه

نظيف والله اروح للدوام اسبح ارجع من الدوام اسبح تدرين بيه كلش زين ..

اروح اجيبلج مي وارجع ..

نزل ورجع جاب مي كال خليت الاكل ع الطباخ داايحمه ..

وهم رجع جاب الاكل وكلني بايده وغسلني بيده ..

سالته خابرك معتز ؟

جاوبني .. خابر على كمال وحاجاني ..

شنو كلك ؟

كال انسى عندك اخ ومتبري منك ..

جر حسرة كلش جبيرة وكال اخخ يافاتن اني شنو مسوي بحياتي حتى الله يعاقبني هيج ..

كمت اريد اخذ الصينيه كال اكعدي اني اخذها ..

يوم عن يوم حالتي تزيد للاسوء ..

جمال جان يهتم بيه

الغرفه اكرهها بسبب العطورات

شالهم جمال وداهم لغرفة البنات

ظلت هيا بالعناد تخلي منهم

هالبنيه خاله دوبها من دوبي من يوم الي تدخلت بينها وبين حمه منال هي موطايقتني ..

المدرسة ماتركتها لان ارتاح من اروح

اغير جو البيت ..

مرة زهير بهالايام ولدت وراحت بيت اهلها وزهير سافر امي اخذتني يمها لان متت مااتحمل غرفتي

مرات انام بالممر .. وجمال مااشتهي كلش .. ماحب اتنفس ريحته ابد ..

فرحت ويا امي ..

نايمه بغرفتها اشتميت ريحة مو غريبه كعدت ق*فانه

شفته جمال كاعد يم رجليه

كتله انت شجابك هنانه وتارس روحك عطر انت شنو ماتحس ..

ضحك كال والله ممخلي ولاقطرة هاي قبل لتتوحمين بس هو العطر يلطش ..

روح روح لتجي بعد ..

جمال .. هاي فوكاها بعد صدك لو كالو لاتسوي زين ..

خل يمي علاكه ..

كال هذا موبايل جبته الج

كتله خوش خوش بس روح راح اتقيء

كال خليتلج بي سيم كارد ..

كتله زين ..

طلع باوعت للغرفة مليانه علاليك ..

اجت امي كالت هذا رجلج جابهم خطيه ممخلي شي ممشتري ..

مرت يومين اني عند اهلي .. وجمال مااجه بعد

اخذت التليفون ودكيت رقمه ..

جاوبني ..

كتله انت ماتسال ماتكول مرتك حامل مريضة تجي تشوفها تطمئمن عليها ..

جمال .. والله احتاريت وياج اجي يمج اطرديني اروح من يمج تعتبين ..

فاتن .. اقلاها جان خابرت سالت مو كلش مسويها عليه يابسه ..

جمال .. مو خاف اشمين ريحتي من التليفون ههههاي

فاتن . .تره ماتضحك ...

جمال ..اني شعندي غير بطوطتي .. بس شنو مبين بطوطتي مشتاقتلي ..

فاتن .. اي شوكت تجي

جمال .. ياعيني متطورين وصايرين نشتاق

لج اني عد عيناج هسه جاي بس اخلي عطر .

فاتن .. يبووو لعد لتجي ..

جمال .. اشاقه وياج حبيبي اجيت ودخلتني امج عليج شفتج نايمه متقربت منج رغم كلش جان بنفسي ابوسج بس مردت تنق*فين مني ..

فاتن .. لعد يلله شوكت تجي ..

جمال - جايج حبيبي ......

فاتن .. بهذه الايام صارت روحي بجمال كلش تعلقت بي وانتظر يوم يوم اولد واشوف ابني

معتز ابد ماتواصلت ويا بعد لا اني ولا جمال

جانوا اهله يلحون عليه يجي للعراق ميقبل

يجي .. يكول بعدني متخوف خاف انغدر

رغم مشكلته انحلت وللابد ..

بس اني وجمال جنه نعرف ليش ميجي

جمال جان متردد يصالحه خاف ليرفض او يصده..

امتحنت وزاري وكعت اكمال بدرسيين انكليزي واقتصاد ..

امتحنت واني بطني لحلكي الحمدلله نجحت

والتهيت بتجهيز ابني ..

شكد لح عليه جمال ادخل كليه ماقبلت كتله اجلها مااكدر وراي ولادة ..

خلاني على راحتي ..

سنة ٢٠٠٧ شهر ١١ ولدت طفلي الاول حسن ..

جان بي شبه هوايه من معتز ..

جمال يكول من كد ماجنه نفكر بي صار يشبهه ..

كان كلما يمر الوقت يزيد تعلقي بجمال اكثر

وصارت تغريد مص*ر قلق الي ..

مره نايمه على ايده

كتله جمال كول لتغريد خل تتزوج

جر حسرة باوعلي

شبيك تباوع

كايل الها اني بس هي متقبل ودتحضر للماجستير ..

بعدها بكم يوم اجت النا قبل الغدا هي وامها

بس شافت حسوني وبوقتها جان عمره ٦ اشهر شبعته بوس ..

اني خليته عدها وركضت للفوك

خابرت جمال

جاوبني هاا بطوطتي اكو شي ..

اكولك جمال لتجي

ليش خير شكوو

هنا تغريد مااريدك تشوفها

ضحك كال بدلي انت وحسوني اجي ونروح نتغدا بره جوعان ..

لاحبيبي هسه شيكولون عليه مااعرف الاصول اعوف الخطار ..

لعد اني جوعان واريد ارجع للبيت وهم ميصير مااسلم عليهم ..

مو داكولك لتجي ..

صاح لج جوعان دااكولج شبيج وبعدين لو ماهي قبل يومين جانت يمي بالمختبر هي وخالتي

اشوو مكتلي ؟؟

شكوولج ولج حتى تسوين مثل هسه ..

تصنعت البجي مثل الاطفال

كال لج حبيبتي انت تعرفين شون حبيتج لج اني خ*فتج خ*ف تردين ابدلج هسه انسي الماضي وخلينه عايشين بالحاضر ..

ظليت افكر بكلامه ..

طلعت احلى ماعندي من ملابس ولبستهم مكيجت وتعطرت ..

اني دائما قبل لايجي اسوي هيج بس اليوم شويه اوفر

سمعته اجه نزلت جوه

شفته دخل للصاله يسلم عليهم

مدت ايدها تغريد تصافحه

اني احتركت حرك

اخذ منها حسوني واجه يمي جنت واكفه اباب الصاله

كمت بسته من خده هو نزل على راسي باسه ٠

كلش فرحت بوقتها .. عبالك مسويه فد انجاز ..

بعدها بايام .. جنه كاعدين بغرف*نه اني وجمال وحسوني نايم

دائما اشعل شموع واسوي جو رومانسي النا

لبست سيت نوم ورحت يم جمال

نمت على ايده باوعلي

كال هواي تصرفين شمووع ..

كمت من يمه كتله موصوجك صوجي اني اسويلك جو

جرني اله خلاني على ص*ره

ويبوس بخدي ويلعب ب*عري ..

كال تره مااشاقه وياج بعد اذا بسرعه تزعلين ..

هزيت راسي بامتناع ..

هيه دقايق وسمعنا صوت كمال عالي كلش هنانه فوك رغم هو غرفته جوه ونادرا مايصعد ..

بسرعه كام جمال .. وطلع من الغرفة

لبست روب ولفيته وخليت شال

على راسي وطلعت وراه

شفته بغرفة البنات

وعبالك ديض*ب وحدة منهن ويرزل بيها ..

للحكاية بقية ..