LYKA’S POV
Naging maayos kami sa bago naming nilipatan. Hindi na ako pumasok sa restaurant. Ang natira sa pera na itinabi ko ay ginamit kong puhunan para sa mga paninda ko. Natatakot akong sagutin ang tawag ni Brixon kaya naman binlock ko na lang siya.
Alam ko na ngayon ay galit na siya sa akin. Pero ano pa bang mukha ang maihaharap ko sa kanya. Kaya mas pinili ko na lumayo na lang muna sa kanya. Hindi ko siya kayang harapin. Hindi ko siya kayang ipaglaban. Sobrang hirap lalo na kapag naiisip ko ang ginawa ko doon sa restaurant nila. Sobrang nakakahiya ako. At kung sakali na magkita pa kami ulit ay hihingi na lang ako ng tawad sa kanya.
Walang gabi na hindi ako umiiyak. Dahil sobrang miss na miss ko na siya. Gusto ko siyang tawagan pero pinigilan ko ang sarili ko. Mahal na mahal ko si B
