UNANG GABI ng lamay ni Dilda, hindi pa rin matanggap ni Selena ang lahat. Pakiramdam niya, isang panaginip lang ang lahat. Panaginip kung saan gusto na niyang magising. Patuloy ang pagragasa ng kaniyang luha habang nakatingin sa kabaong ni Dilda. Lumapit sa kaniya ang mommy ni Dilda at saka hinaplos siya sa likuran niya. Kaya naman mas lalong naiyak si Selena.
"Napakaganda ni D- Dilda...parang...parang natutulog lang siya..." nanginginig ang boses na sabi ni Selena.
Bumuhos din ang luha ng mommy ni Dilda. "Oo naman...talagang maganda ang anak ko. Sayang nga lang at nawala siya kaagad sa akin. Napakasakit. Hanggang ngayon ay inaalam pa rin ng mga pulis kung sino ang suspek sa pagpatay sa kaniya..."
Humingang malalim si Selena at saka humarap sa mommy ni Dilda. Pinahid niya ang kaniyang m
