"Selena? Bakit? May problema ba? Parang... nanginginig ka sa takot?" muling sabi ni Nike kay Selena.
Pinagpawisan ng malamig si Selena. At kasabay no'n ang panginginig ng kaniyang tuhod na hindi niya maipaliwanag ang dahilan.
"Kasi...ano eh...medyo hindi pa rin ako...maka- get over sa pangyayaring 'yon. Pakiramdam ko, anytime eh kukunin nila ulit ako dahil nandiyan lang sila sa paligid," pagpapalusot ni Selena sabay iwas ng tingin.
Ngumiti si Nike. "Selena...hindi ba sinabi ko sa iyo na huwag mo ng isipin pa 'yon? Wala na tayo sa lugar na 'yon. At hindi na mangyayari pa 'yon, okay?"
Lumunok ng laway si Selena. "At paano ka nakakasigurado na hindi na nga mangyayari pa 'yon? Anong basehan mo?"
Natahimik bigla si Nike. Habang si Selena naman ay diretsong nakatitig lang sa mukha niya.
"
