"Abigail...hiwalayan mo na ang Xian na 'yan dahil ako lang naman ang totoong nagmamahal sa iyo. Hindi ba sinabi mo sa akin noon, ayaw sa iyo ng lalaking 'yan?" saad ni Mark sabay ngisi.
Mariing napapikit si Abigail. Hindi kasi niya akalain na magkikita silang dalawa sa mall ni Mark. Ang lalaking nagpapakulo ng dugo niya.
"At sino ka naman para sabihin sa akin na hiwalayan ko na si Xian? Sino ka? May bigat ka ba sa buhay ko? Parang wala naman yata. At isa pa...noon 'yon. Noon 'yon na hindi ako gusto ni Xian pero ngayon ay nagbago na. Gusto na niya ako. Kaya kung puwede lang sana ay tigilan mo na ako. Wala ka ng mapapala sa akin dahil tapos na tayo at matagal na. Kaya tigilan mo na ako...." may diing sambit ni Abigail.
Ngumisi ng mapang- asar si Mark. "Kung makapagsalita ka sa akin, akala
