Nagising na lamang si Selena nang marinig niya ang ingay sa kaniyang cellphone. Ilang beses na pa lang tumatawag sa kaniya si Nike at nasa labas ito ng kanilang bahay. Agad namang nagtungo doon si Selena at nagulat nang makita ang itsura ni Nike. May dugo sa ulo nito pati sa labi. Bumagsak sa kaniya si Nike kaya naman napayakap si Selena sa kaniya.
"Nike...anong nangyari sa iyo? Bakit may dugo ka?" nag- aalalang sabi ni Selena.
"May...may humahabol sa akin na mga armadong lalaki...hindi ko alam kung sino sila basta...bigla na lang nila akong hinabol. Pinilit kong makatakas..." nanghihinang sabi ni Nike.
Napakagat labi si Selena. "Okay sige halika na sa loob at gagamutin kita..."
Hindi pa man nakapapasok sa loob ng bahay ang dalawa nang may tatlong lalaki ang sumulpot sa kanilang harap
