Matalim na nakatingin si Angela kay Selena nang makita niya itong papasok sa gate ng eskwelahan.
Sa totoo lang ay selos na selos siya kay Selena dahil hindi niya magawang makuha ang loob ni Nike dahil nga ang tanging gusto lang ni Nike ay walang iba kun'di si Selena.
"Alam mo... Angela ...kung ako sa iyo, maghahanap na lang ako ng ibang lalaki. Napakaraming guwapong lalaki sa school na 'to. At isa pa ga- graduate na rin naman tayo, 'di ba? Hindi na kayo magkikita ni Nike. Kaya lang naman kayo nagkikita ay dahil magkaklase kayo sa ibang subject," sabi ng kaibigan ni Angela na si Dona.
Tumingin si Angela sa kaniyang kaibigang si Dona at saka ito pinandilatan ng mata. "Alam mo ikaw, itikom ang bibig mo kung ayaw mong masampal kita. Sinabi ko naman sa iyo na wala akong ibang gusto kun'di s
