"Nike? Anong ginawa nila sa iyo?" tanong ni Selena nang makabalik si Nike sa kuwarto.
Bumuntong hininga si Nike at saka malamlam ang mga matang tumingin kay Selena.
"Wala silang ginawa sa akin pero tinanong nila kung malusog ba ang pangangatawan ko o may sakit ba ako. Tinanong nila kung naospital na ba ako dati o hindi," pagsisinungaling ni Nike.
Namilog naman ang mga ni Selena. "Ano? Bakit naman nila tinatanong 'yon? Huwag mong sabihin na may gagawin sila sa katawan mo? Ano na ba ang uso ngayon? Ano na ba ang ganap sa balita ngayon?"
Humingang malalim si Nike. "Sa pagkakaaalam ko, naghahanap sila ng mga taong malulusog ang mga pangangatawan. Kumbaga, iyong mga walang bisyo. Maganda ang atay, kasi puwede iyong maibenta. Iyon ang naiisip ko. Iyong bang pumapatay sila ng tapos kinukuha
