EXCITED na lumabas ng pizza parlor si Michelle dahil alam niyang nasa labas lang si Noah at naghihintay sa kaniya.
"Hi!" kaagad nitong bati habang papalapit siya rito.
She smiled and looked at him. "Hi!"
Habang tumatagal ang pagkakakilala nila ay parang lalo itong gumuguwapo. At sa loob ng apat na araw na hindi niya ito nakita ay na-miss niya ang kaguwapuhang iyon.
"Paano, tara na? Siguradong marami ngayong kumakain sa Kamalig ni Lola Tessie kasi lunch time, eh," yakag sa kaniya ni Noah habang kinukuha sa kamay niya ang bag na nakasukbit sa balikat niya.
Sanay na siya sa pagiging gentleman ng binata kaya ibinigay na niya iyon. "Let's go. Lakarin na lang natin. Sigurado rin na puno ang parking lot doon."
Hinawakan siya ni Noah sa siko para alalayan sa paglakad. Pero hindi na nagdala
