ANGELA
BUONG LAKAS ko siyang itinulak mula sa kanyang pagkakayakap sa akin. Nataranta ang buong katauhan ko at maging siya ay nataranta rin.
Naisip kong itago siya sa ilalim ng kama kaya't agad ko siyang pinayuko at tinadyakan pa ang kanyang paa upang hindi siya makita.
"Gelai! Baka tulog na."
Inayos at kinalma ko ang sarili ko nang dahil sa sobrang nerbyos ko.
Hoooh!
Naglakad na ako palapit sa pintuan upang pagbuksan iyon. Mabuti na lang talaga at hindi basta bastang pumapasok sa pintuan ang mag-asawa. Wala rin kasing lock ang sa akin kaya't madali lang itong itulak.
Pagbukas ko ay nandoon pa nga si Sir Sebastian.
"Sir, bakit po?"
"Nagising ba kita hija?"
"Ayos lang po, sir. Bakit po pala?"
"Nagpunta ba dito si Baste?"
"Hi-hindi ko po napansin. Gabi na po sir, ano naman ang ga
