ANGELA
MAAGA AKONG nagising dahil maaga ulit ang pasok ko ngayon. Masasabi kong peaceful ang pagtulog ko dahil hindi na ako namomroblema pa sa aking requirement para sa lintik na laboratory na iyon.
But anyway, okay na, solved na ako. Kaya naman maaga akong bumangon upang sa ganoon ay ipagluto si Baste ng masarap na almusal. Gusto kong bumawi sa kanya dahil alam kong malaking utang na loob ang kapalit ng kanyang pagbibigay sa akin ng bagay na para sa aking requirement.
Magluluto ako ng longsilog. The best akong magluto niyon kaya naman mapapakain talaga siya.
Alas singko pa lang at habang nagkakape ako ay sinisimulan ko na ang aking pagluluto. Excited akong makita siyang lumabas ng kwarto kaya naman panay ang tingin ko doon kung magigising na ba siya.
Ngunit imposible iyon dahil usual
