ANGELA
"MATUTULOG NA AKO."
Agad niya akong binitawan at saka hindi na lumingon pa bago umalis at nagtungo sa kanyang sariling kwarto.
Naiwan akong nakatulala at walang ano mang naiisip kundi ang mga naganap bago ang pagkalas niya ng yakap sa akin.
Muli ay naglandas ang kamay ko sa aking labi at hinawakan ko iyon. Tila ba nandoon pa rin ang kanyang mga labi, ang matatamis niyang halik na siyang nagbigay sa akin ng kakaibang pakiramdam.
This is my very first kiss at kahit na sabihin kong nakaw iyon ay hindi ko pa rin talaga maitatago sa sarili ko ang labis na kilig at saya ng aking damdamin.
Napapikit ako at saglit na dinama ang moment ko saka ako nakangiti na nagtungo sa sofa upang kunin ang aking unan.
Ala una na pala ng madaling araw, kaunti na lamang ang maitutulog ko nito. Pagkak
