Nanlaki ang mga mata niyang napatitig kay Xavier, nakita niya ang tila nag-aapoy na mga mata nito sa galit habang nakamasid sa ginawa ng pinsan. At hindi niya alam kung bakit ito nagagalit. Mabilis niya namang binawi ang kamay at yumuko dahil hindi niya matatagalan ang nang-uusig na titig ni Xavier.
"Babalik ako palagi para sayo Sandrine, I will consider this as one of my luckiest day." Sabi nito saka humakbang na papunta sa kotse nito.
Hindi niya nagawang sumagot dahil wala naman siyang alam na isasagot. Para pa siyang natataranta sa presensya ni Xavier. Nakahinga siya nang maluwag nang lumabas ang matandang si Nana Saling at sinabing handa na ang tanghalian. Bigla siyang nakaramdam nang gutom, at naalalang tanging kape lang pala laman ng kanyang tiyan mula kaninang umaga. Sinipat niya
