Mabilis siyang lumakad papalayo at hindi na muling lumingon pa.
Mabilis ding tumayo si Kath upang habulin si Lance.
"Chona, ikaw na muna bahala kay DL," bilin sa kaibigan.
"Saan ka naman pupunta aber?" Anito habang nanlalaki ang mata sa kanya.
"CR lang," pagsisinungaling rito. Halata pa rin sa mukha ng kaibigan na hindi naniniwala kahit nagthumb up ito sa kanya bago muling tinuon ang pansin sa big screen.
Mabibilis ang mga hakbang ni Kath upang habulin si Lance. Nagpalinga-linga siya dahil hindi niya na makita ito hanggang mahagip ang tingin niya ang likuran ng lalaki kung saan patungo sa exit area.
Napalunok siya dahil tila may bumikig sa lalamunan. Inipon ang lakas bago tawagin ang lalaki.
"Lance!" Sigaw niya upang kunin ang p
