“ARE YOU SURE na hindi kayo magtatanan ni Uran?” tanong ni Sugar habang nakahiga ito sa kama ni Sirak. Nakatitig ito sa puting kisame habang nilalaru-laro sa ibabaw ng tiyan nito ang mga daliri.
Nangunot naman bigla ang kaniyang noo at napatingin sa kaniyang kaibigan. Nako, kung hindi lamang maganda ang kaniyang gising kaninang umaga, kanina pa niya ito pinaalis sa kaniyang Apartment. Kanina pa kasi ito nangungulit sa kaniya. Paulit-ulit na tinatanong sa kaniya kung sigurado raw ba siya na hindi sila magtatanan ni Uran kaya siya nagliligpit ng mga gamit niya. Kanina kasi ay maaga pa itong dumating sa kaniyang Apartment. Hindi niya alam kung ano ang dahilan nito para alas sais ng umaga pa lamang ay sumugod na ito sa kaniya. Napaka-unusual naman nito ngayon. Samantalang tanghali o gabi ito
