“OUCH! PUWEDE bang pakawalan mo ako!” naiinis at magkasalubong ang mga kilay na saad ni Sirak kay Uran habang tinatahak na nila ang pasilyo palabas ng gusaling iyon. Pilit siyang napapasunod sa binata. Well, wala naman siyang magagawa kundi ang sumunod talaga rito dahil parehong nakaposas ang mga kamay nila.
“We need to talk.” Seryosong saad naman ni Uran nang lingunin siya nito.
“Wala tayong dapat na pag-usapan Uran,” aniya at pinilit na higitin ang kamay niya, ngunit siya lang din ang nasaktan dahil sa posas na iyon. “I need to go back inside dahil magsisimula na ang exhibit namin—”
“I don’t care.” Putol nito sa iba pa sana niyang sasabihin. “We need to talk first.”
Muli siyang nagpakawala nang malalim na buntong-hininga pagkuwa’y pinalo sa likod ang binata. Dahilan upang mapahinto
