SUNOD-SUNOD at malalim na buntong-hininga ang pinakawalan ni Sirak habang nakatayo siya sa harap ng lababo ay tinitingnan ang sariling repleksyon sa salamin. May limang minuto na ata siyang naroon sa loob ng banyo ng restaurant na iyon. Hindi naman siya naiihi, pero nagtungo siya roon para ayusin ang sarili niya dahil sa nalaman niya kaninang si Marya pala ang gusto ng kaniyang iniirog na si Uran. Muli niyang pinasadahan ng tingin ang kaniyang sarili.
“Maganda ka Sirak! Kaya hindi ka dapat makaramdam ng insecurity sa sarili dahil lang sa nalaman mong si Marya pala ang gusto ni Uran dati. And besides, may asawa na siya. Mag-asawa na sina Marya at Judas. Wala ng pag-asa si Uran sa kaniya. So, all you need to do is... do your best para mabaling sa ’yo ang atensyon niya,” aniya sa sarili haba
